Cross uveta lakutfoleku-World Cup, nalafike wakutfola ku-Chiefs
Umdlali we-Kaizer Chiefs, Bradley Cross, sewukhulume ngeluhambo lwakhe lweNdzebe yeMhlaba neBafana Bafana.
Loku kulandzela kubuyela kwakhe ku-Kaizer Chiefs lebeyisekhempini yekulungiselela isizini lensha e-Spain.
IChiefs icedze luhambo lwayo ngekwehlulwa nga-2-1 licembu le-Elche CF yase-Spain ngeMgcibelo.
Cross utsi kudlalela iNingizimu Afrika kube yintfo lekangasoze wayikhohlwa emphilweni yakhe.
Lomdlali bekayincenye yelicembu leBafana Bafana lelibhale umlandvo eNdebeleni yoMhlaba ka-2026.
IBafana Bafana ifike esigabeni semkhumulajezi kwekucala emlandvweni wayo.
“Bekuyintfo lejabulisako kakhulu futsi kuyintfo lekhulu kakhulu kumela live lami emncintiswaneni lomkhulu,” kusho Cross.
“Sisebente kamatima futsi sawufeza umgomo wetfu wekufinyelela esigabeni lesilandzelako.”
“Ngiyetsemba kutsi ngaloko sente bantfu baseNingizimu Afrika batigcabhe ngatsi.”
Bradley Cross ubuyele ku-Kaizer Chiefs ngemuva kwekutsatsa likhefu lelifishane ngemuva kweNdzebe yeMhlaba.
Udlale imizuzu lengu-45 emdlalweni lophele nga-1-1 ne-Al Khalood yase-Saudi Arabia, waphindze wadlala akucudzelwana ne-Elche.
Utsi sewutiva asesimeni lesihle futsi sewukulungele kucala kwesizini lensha.
Uphindze wancoma umoya lomuhle emkhatsini webadlali ngesikhatsi basesekhempini eSpain.
“Ngiyabona kutsi umoya welicembu muhle kakhulu. Badlali bayavana futsi bayasebentisana.”
“Kumele sisebente njengelicembu, sakhele kuloko lesikwenta kahle bese silungisa emaphutsa etfu.”
“Sengiso lesikhatsi sekulungiselela isizini, ngako imiphumela ayisho konkhe ngaphandle kwekukhombisa lapho kufanele sicinise khona.”
Nyalo iKaizer Chiefs kufanele icondzise tigwegwe tayo, njengobe umdlalo weToyota Cup asemnyango. Bayocudzelana ne-Scotland FC yaseZimbabwe nge-liSontfo.
Bradley Cross uncuse balandzeli kutsi bachubeke nekusekela licembu kule sizini lensha.
Story by Nkosinathi
FUNDZA NALANA: Mdu Shabalala ucala sahluke lesisha utawuswenka nge-Puma
