Fabisch lobekafunwa i-Chiefs sewutfole likhaya eThekwini
Umdlali wase-Zimbabwe losewake wavela emibikweni yekutsi angase ajoyine iKaizer Chiefs, Jonah Fabisch, sewusayine nelicembu lase -Thekwini, iGolden Arrows.
Lomdlali loneminyaka leyi-24 budzala ujoyine iGolden Arrows ngenkontileka yesikhatsi lesidze.
Fabisch wafika eNingizimu Afrika ngaKholwane ngemuva kwekushiya licembu laseGermany,
i-Erzgebirge Aue, futsi bekafunwa emacembu lamanyenti ePSL.
Ngekwembiko weFARPost, Fabisch wacala wacitsa emalanga lambalwa eThekwini ngaphambi kwekubuyela e-Europe ayewucabangisisa kahle umnyakato wakhe lolandzelako.
Ekucaleni kubikwa kutsi bekangafuni kushiya i-Europe ngobe bekabuye abe neticelo letivela
kulamanye emacembu angaphandle.
Kodvwa iGolden Arrows igcine iwuncobile lomjaho wekusayinisa lomdlali, njengoba beyifuna umdlali lotawutsatsa sikhundla lesashiywa ngu-Isaac Cisse.
Lomdlali wasesiswini usandza kujoyina licembu laseBelgium, iRC Sporting Charleroi.
Kubikwa kutsi Jonah Fabisch utawubuyela eNingizimu Afrika emalangeni lambalwa latako kuze acale imphilo yakhe lensha KwaZulu-Natal.
AmaZulu FC, ilStellenbosch FC, iKaizer Chiefs kanye ne-Sekhukhune United nawo kubikwa kutsi ake akhombisa nshisakalo yekusayinisa lomdlali.
Story by Nkosinathi Masinga
