‘Gone kanjalo nje’ umgadli lomkhulu we-Sundowns Shalulile

Sekubikwe ngalokusemtsetfweni kutsi Licembu le-Mamelodi Sundowns lihlukana nemgadli lomkhulu wase-Namibia, Peter Shalulile.

Loku, kulandzela ngemuva kwekutsi lelicembu lingavuseleli ikontilaki ya-Shalulile, ngemuva kweminyaka leminengi agijima kuleklabhu.

Nyalo, Peter ungumdlali longanacembu. Kantsi futsi noma ngabe nguliphi licembu livumelekile kutsi lingasayina lomdlali kwanyalo.

Shasha wajoyina licembu leMasandawana ngemnyaka wa-2020, asuka ku-Hinghlands Park. Wafika wagcama kakhulu ku-Sundowns.

Ushaye emagoli langetulu kulayi-100, waphula lilekhodi lase-Ningizimu Afrika lekushaya emagoliblamanengi kuligi. Uphindze wancoba tindondo letinyenti nalelicembu.

FUNDZA NALANA: Ribeiro lowalacata iSundowns kabuhlungu  ufuna kubuya ekhaya

Sitayela sakhe sekudlala kanye nelukhono lakhe, lematubane, kushaya emagoli kanye nekuba nesitfunti, kumente waba yintsandvokati yebalandzeli watakhela neludumo.

Nanoma nje tintfo tivele tagucuka sikhatsi sakhe sekudlala savele sancipha kulesizini leyengcile, njengobe iSundowns beyente tingucuko kulesikwadi sayo.

Kodvwa lomdlali loneminyaka leyi-32 ngebudzala bachubeke bamhlonipha kulelicembu, ngenca yesitfunti sakhe kanye nemisebenti yakhe lemihle kulelicembu.

Ngenca yemisebenti yakhe lemihle, kanye nelukhono lwakhe, emacembu lamanyenti atawucala kumtingela lomdlali njengobe nyalo anganacembu.

Story by Nkosinathi