I-Chiefs Iphumelele Lenye Imphumelelo Lenkhulu – Ngaphandle Kwenkundla

Kaizer Chiefs seyinikwe indlela levulekile yekusayina lomdlali lodlala-sisu we-Cape Town Spurs, longu-Asanele Velebayi, ngemva kwekutsi amemetelwe njengemdlali lokhululekile likomiti le-Premier Soccer League Dispute Resolution.

I-Spurs yehlile ku-Motsepe Foundation Championship ekugcineni kwesizini ledlulile. Licembu lonkhe ngebunyenti nyalo lehlile esigabeni lesisetulu bawela kulesisephasi, loku kusho kustsi balahlekelwe sitethasi njengelicembu. , i-Chiefs isheshe yangenelela  kutsi i-sayine  Asanele Velebayi kanye na Luke Baartman, bacabanga kutsi bangabatfola ngaphandle kwemali ngoba luhlaka labo selungephasi kwalabangaholi.

Kodvwa i-Spurs yatsatsa lendzaba yayisa ku-PSL DC, yasho kutsi kufanele batfole imali yekundluliselwa kwa-Velebayi, Baartman kanye naLiam Bern, lobekasayinwe i-AmaZulu.

Intsatseli ye-SABC Sport, Mazola Molefe, itjele nge-Msombuluko kutsi i-PSL DC seyimemetele kutsi Velebayi ngumdlali lokhululekile.

I-Chiefs beyivele imfuna Velebayi sikhatsi lesidze. Ngaphambi kwesizini ledlulile, kubikwa kutsi i-Spurs yabeka intsengo lengu-R12 million ku-Velebayi, kwenta kutsi i-Chiefs ingamusayini  lomdlali lobemuhle kakhulu esigabeni sakhe.

Nyalo-ke, kubukeka ngatsi sokhululekile ku-joyina i-Chiefs, futsi njengoba kungakacaci kahle kutsi loku kuyafana  naku-Baartman na-Bern, futsi kusengakacaci  kutsi i-PSL DC itofika njani esiphetfweni lesihlukile.I-Chiefs ivule umncitiswano we-2025/26 ngelisontfo ngenkulumo lekhombisa luhambo lwemphumelelo ngekudlala ne-Stellenbosch FC, Iphumelele ngekuncoba nga-2-0 kuBetway Premiership.