I-Chiefs seyiphindze ‘yaboniswa’ kumdlali we-Stellenbosch FC,

Kaizer Chiefs seyikhulise inshisakalo yayo kuFaiz Abrahams, umdlali weluhlangotsi weStellenbosch FC, futsi kubikwa kutsi lamacembu asebenta
ekwenteni sivumelwano sekubolekana lomdlali.

Abrahams, loneminyaka lengu-21 budzala, ukhulele esikolweni se-Cape Town
Spurs, lapho aphumelela khona ngekuwina umklomelo we Player of the
Tournament kuBayhill Premier Cup  yema-Under-19 nga-2024.

Lomdlali, lowatiwa ngekutsi ngu “Fire”, wajoyina
iStellenbosch FC nge-Ingci waloyo mnyaka, kodvwa watfola kunzima kutfola
indzawo njalo esikwatini sekucala.

Ngemuva kwesizini yakhe yekucala kuStellies, wabolekiswa ecenjini
yase-Israel, iHapoel Kfar Saba, lapho enta kahle khona ngekushaya emagoli
lamatsatfu kanye nekupha basiti labatsatfu emidlalweni leli-11.

Kusebenta kwakhe kahle kwenta emacembu lamakhulu ase-Israel, iMaccabi Haifa
kanye neTel Aviv, amlandzele.

Kodvwa kubikwa kutsi umphatsi wakhe wamncenga kutsi angabuyeli lapho,
ametsembisa kumtfolela litfuba lelincono kulamanye emaligi.

Ngemuva kwaloko wabuyela eNingizimu Afrika angakacedzi sikhatsi sakhe sekubolekwa, futsi akazange abuyele ecenjini lakhe lase-Israel ngaphandle kwemvumo.


Loko kwaphocelela iStellenbosch kutsi ikhokhe imali yekucedza lesivumelwano sekubolekwa kusenesikhatsi, kute kugwemeke kutsi lomdlali avinjelwe kudlala ngenca yekwephula sivumelwano.

Kusukela wabuya sewudlale imizuzu leyi-26 kuphela.

Kuleliwindi lekutsenga nekutsengisa badlali, lomdlali loneminyaka lengu-21 bekafunwa ngemacembu lamabili eBetway Premiership, i-Orlando Pirates kanye neDurban City.

I-Orlando Pirates beyifuna kumsayinisa ngalokuphelele, kodvwa ayikafinyeleli esivumelwaneni neStellenbosch.

Ngalolunye luhlangotsi, iDurban City beyisedvute nekumboleka Abrahams isizini yonkhe, kodvwa lesivumelwano saphelela emoyeni ngemuva kwekutsi lomdlali ahluleke kuvumelana nemibandzela yakhe.

Nyalo iKaizer Chiefs ngiyo iclub lekhombise inshiisakalo kuye, futsi seyivele icale tinkhulumo neStellenbosch FC.

FUNDZA NALANA: Tso Vilakazi akamboni Phili aba liLangelihle ku-Kaizer Chiefs

Amakhosi isazama tindlela letingasetjentiswa, futsi kubolekwa kubonakala kuyindlela lengaba yinhle.

Kubikwa kutsi sivumelwano emkhatsini weKaizer Chiefs neStellenbosch angeke sibe yinkinga, kodvwa kusamele lomdlali avumelane neKaizer Chiefs ngemibandzela yakhe.

Story by Nkosinathi Masinga