Tso Vilakazi akamboni Phili aba liLangelihle ku-Kaizer Chiefs
Lowake wadlalela i-Orlando Pirates, Benedict “Tso” Vilakazi, sewuvete umbono wakhe ngaLangelihle Phili, lokubikwa kutsi ujoyine iKaizer Chiefs.
Kubikwa kutsi uPhili sewusayine neMakhosi, nobe nje lelikilabhu alikakumemeteli ngalokusemtsetfweni.
Kodvwa Vilakazi utsi lomdlali utawubukana netinkinga letifanako natalabanye badlali labafike kuChiefs balindzelwe lokukhulu kubo.
“Mayelana naPhili, ake nginitjele kusenesikhatsi, asengakagcoki ngisho nelijezi leChiefs, utakwehluleka,” kusho Vilakazi.
“Utakwehluleka ngendlela lefanako nalabanye badlali labafike kuChiefs kulindzelwe lokukhulu kubo, kodvwa bagcina bangakaphumelelanga.
“Asengente sibonelo ngami lapha ku-iDiski TV. Angeke ngente konkhe ngedvwa.
“Ngidzinga licembu. Angeke ngitibute imibuto, ngiphindze ngiphatse ikhamera ngedvwa, ngente nako konkhe ngedvwa.
“Kunjalo nakuPhili. Utawudzinga kusekwa ngulabanye badlali kuze aphumelele.
“Utawudzinga badlali labatamtfolela ibhola. Utawudzinga nalabo labatawugijima nakaphetse ibhola kuze akhone kubakhela ematfuba ekushaya emagoli.”
Story by Nkosinathi Masinga
