We-Sundowns ukhale nge-khalenda, bafikile bafana be-TS Galaxy

Umceceshi we-Mamelodi Sundowns Miguel Cardoso ukhale ngekutsi ikhalenda ibashayile,  gemuva kwekutsi badliwe 3-2 eMbombela Stadium i-TS Galaxy.

I-Sundowns idliwe kabuhlungu ivakashele iGalaxy, kucale iTS Galaxy yashaya emagoli lamabili kulandzelana ekucaleni kwalomdlalo, Victor Letsoalo ngephenathi, wabuya Gorge washaya lesibili.

Yabuya I-Sundowns nayo yalinganisa ngephenathi kanye neligoli, konke kushtjwa ngu-Brayan Leon.

Kodvwa akumange kuyivimbe i-Galaxy itse nayibuya yashaya lekucedza lomdlalo nga-Mpho Mvelase. Yadliwa nga-3-2, iSundowns.

Miguel Cardoso ukhale ngesimo sekhalenda lebeyingavumelani nabo nemidlalo yabo ye-Betway Premiership kanye neyr-CAF Champions League.

“Ikhalenda lesishayile kahle kahle, ngoba siwine imidlalo leyi-11 kulandzelana ngenyanga ya-Bhimbidvwane.

“Sabuya sadlala ne-Esperance, sadlala kulingana kabili, sabuya sadliwa namunhla (ngoLwesibili).

“Ngako ke, kumcoka kakhulu kutsi balandzeli babuke ngeliciniso lelisebaleni, labafana basebentile kakhulu.

“Bangagceka umceceshi leyo akusiyo inkinga kimi, mine ngicine kakhulu.”

By:Nkosinathi