We-Polokwane City utsembisa kufaka iSundowns sbhacu

Umceceshi welicembu le-Polokwane City Phuti Mohafe, utsembisa ngekubuya nemaphuzu lamatsatfu aphalele kulomdlalo wabo ne-Mamelodi Sundowns.

Ngemuva kwekutsi i-Polokwane City ishaye licembu le-Stellenbosch FC nga-1-0, kulomdlalo wabo weMpelasontfo.

Lomceceshi utsi, lomdlalo ubanike emandla nekutitsemba labatakudzinga kulomdlalo wabo lomkhulu lolandzelako, bayobambana ne-Mamelodi Sundowns ku-Betway Premiership.

I-City ihleli kunombolo-6, banemaphuzu langemashumi lamatsatfu nesikhombisa. Babuke kuchubeka ngekuwina imidlalo lemibili kulandzelana, bagcine indzawo yabo iphephile.

Mohafe ukubuke kwabasebaleni kutsi kutawuba matima kucudzelana nelicembu le-Mamelodi Sundowns kulomdlalo we-Betway Premiership.

“Leyetfu ne-Sundowns itwukhuphukela njengentsaba, ngoba asati kutsi batawudlalisa siphi sikwadi,” kusho Mohafe.

“Kodvwa (lokuncoba) kuvuselele kutetsemba kitsi, emandla futsi sitawuya kuyocudzelana ne-Sundowns, angeke siyele kuyoyihlonipha.

“Lena siyela kuyokoleka emaphuzu lamatsatfu, umangabe akhona atsatseka, kungani singawatsati? Kungakhonakala kutsi sieine kabili kulandzelana, angisho kutsi ngitsatsela iSundowns phansi.”

By:Nkosinathi