Ouaddou: “Bacabanga kutsi sekuphelile ngatsi, tsine asiboni njalo”

Umceceshi welicembu le-Orlando Pirates Abdeslam Ouaddou utsi, bantfu labanyenti bacabanga kutsi sekuphelile ngabo njengobe badlale 2-2 ne-Richards Bay.

Kodvwa yena uyala, utsi litsemba lisasekhona, iligi isengakahambi. I-Pirates idlale kulingana kulomdlalo wangoLwesihlanu nelicembu le-Richards Bay e-UMhlathuze Sports Complex ebusuku.

I-Pirates beyiloku ilandzela ngemuva ngemagoli, ngemuva kwekutsi i-Bay itfole ligoli lekubika ekucaleni kwalomdlalo ngemaminitsi nje layi-10’ alomdlalo, Thulane Gumede ngesigadla semtiya.

I-Pirates yona ibuye yashaya lekulinganisa ngemuva kwekutsi lomdlalo ubuye ekhefini ngemaminitsi layi-52’, Oswin Appollis walamulela Mabhakabhaka.

Kodvwa iRich boys of  Natal, ayikapheli umoya ibuye yashaya lesibili futsi yabeka lelicembu phambili nga-Lindokuhle Zikhali, lodvonse intsambo yashiya Sipho Chaine abhabhalaluse kkwe-Mamba.

I-Pirates ichubeke yalwa ngemandla nanoma simo besibucayi, Lebanese Seema ukhulule sivungu-vungu semtiya angaphaandle kwelibhokisi, ngemizuzu yekugcina, washaya phakatsi, waphetsa nga-2-2 lomdlalo.

Nanoma bahluleke kukoleka emaphuzu lamatsatfu kulomdlalo, njengobe iSundowns seyibashiya ngeliphuzu linye nangemdlalo munye. Ouaddou akalahli litsemba utsi litfuba lisasekhona batswuchubeka balwele leligi.

“Kona sihlazekile kancane ngoba silaglekelwe maphuzu lamabili kulomdlalo,” ukhulume lapha ku-Supersport TV.

“Kodvwa labafana batawula kuze kuyofika emaphetselweni, asilweni size siyofika ekugcineni njongeba ngishilo.

“Bantfu bangacabanga kutsi sekuphelile, kodvwa tsine asicabangi njalo. Kufafene sidlale imudlalo yetfu size siyofika emaphetselweni.

“Asishayeleni labafana tandla, bakhone kukhava emagoli lamabili, phela akukho lula, bakhombise kulwa kanye nekutimusela. Nanoma nje, silahlekelwe maphuzu lamabili.

By:Nkosinathi