I-Downs seyibangisa I-Pirates ngalomdlali we-Arrows losemusha

IDiski Times seyibike kutsi i-Orlando Pirates ikhe phansi kulesivumelwano sekusayinana lesihlabane se-Golden Arrows Siyanda Ndlovu, iMamelodi Sundowns ifuna kusebentisa lelitfuba.

Loku kwente iPirates yabonakala shengatsi ihlule iSundowns ngekutsi iphumelele kusayina lomdlali losemusha.

Siyanda uphumelele kucedza luhlo lwakhe lwetempilo ngoLwesine kuleliviki leliphelile. Kodvwa tintfo tifike tabhimba  etafuleni ngalesikhatsi iPirates ivumelana nalomdlali ngetindleko.

Masandawana ngaleso sikhatsi, bafikele i-Arrows kutsi baphumelele kusayina lomdlali loneminyaka leyi-23 ngebudzala.

FUNDZA NALANA: I-Sundowns seyishela sihlabane sase-Brazil

Lomdlali uphumelele kudlala imidlalo leyi-31 kuyo yonke imicudzelwano yalesizini lephelile. Ushaye emagoli lamane, wadala lasiphohlongo.

Ingabe iDowns itawuphumelela kusayina lomdlali, alandzele Antonio Van Wyk losandza kusayinwa, asuka ku-Ried FC.

I-Sundowns nayo isetingcocweni tekusayina sihlabane se-Espérance Sportive de Tunis, Yan Sasse, njengobe ibuka kucinisa kabusha tindlela tayo tekudlala emkhatsini, njengobe kubikwe kwekucala kule-website.

 Story by Nkosinathi