I-Durban City ikhombisa kutikhandla nekutimisela kakhulu emidlalweni yayo
Lelicembu lelisandza kukhushulwa kulesizini lendlulile kusuka kusigaba se-NFD lifinyelele ku-PSL. Lelicembu lebelibitwa ngekutsi i-Maeizburg United lenamuhla libitwa kutsi i-Durban City, likoleke emaphuzu lasitfupha kumidlalo yalo yekucala ye-Betway Premiership league.
Lelase-Dolobheni lase-Durban likhombisa kutimisela kakhulu emidlalweni yalo ngekuphumelela midlao yalo ngekulandzelana futsi lingavuleli ngisho nalinye ligoli kutsi lingene.
Lelicembu liholwa ngumceceshi Gavin Hunt loneminyaka lenge-60 ngebudzala loke wacecesha macembu lamanengi kufaka ekhatsi licembu le-Supersport United ne-Kaizer Chiefs.
Lelicembu lishaye i-TS Galaxy kumdlalo walo wekucala ngemagoli lamabili ecandzeni, kugadla Samukelo Maseko na-Siphesihle Mkhize kumdlalo wabo wekucala we-betway premier ye-ligi.
Yaphindza futsi i-Durban City FC yashaya i-Chippan United ngeligoli linye ecadzeni kumdlalo wayitolo ntsambama, lapho kugadle khona mdlali wase-Namibia ngekutalwa Joslin Kamatuka loneminyaka le-34 ngekutalwa lodlala esuswini senkhundla.
Lelicembu liyocudzelana nelicembu le-Golden Arrows mhlaka 19 enyangeni ye-ingci ngalwesibili ngensimbi ya-19:30 entsambama, ngabe litochubeka lelicembu liphumelele ngekulandzelana njengobe lisayine badlali labambalwa lababuya ku-Capetown City, Kufaka ekhatsi Thabo Nodada, Darren Keet na-Haashim Domingo kanye nalabanye.
