ISundowns iwina noma ishoda ngemdlali munye

Licembu le-Mamelodi Sundowns lincobe kumdlalo weBetway Premiership nga2-1, ligucisa iGolden Arrows.

IMamelodi Sundowns icedze lomdlalo ishoda ngendlali munye wayo lokhaliphile Jaden Adams lotfole likhadi lelibovu.

EMAGOLI ESUNDOWNS…

Lomdlalo ube matima nyana, waseTeboho Mokwena utfola ligoli lelihle lelente mehluko kulomdlalo.

Batse nje ngemuva kwekubuya ekhefini, Rayners watfola ibhola lebuya ku Arthur Sales wayivalela ngenhloko enethini, watsi 2-0 lomdlalo.

Kodvwa ngesikhatsi Adams acedza kudlalisa Ayabulela Maxwele kabuhlungu, kwakosa kwekutsi iSundowns yente tingucuko esiswini.

LIGOLI LEKUBIKA LE-ARROWS….

Ngemuva kwesikhashane nje, iArrows yatfola lekubika ngephenathi leshatjwe ngu Sede Junior Dion.

Dion ungumdlali lohamba phambili ngemagoli kuleligi, ngemuva kwekutsi ashaye iphenathi uhlanganise emagoli la-10 kulesizini.

IMIPHUMELA…

Lemiphumela ibeka iSundowns kuno.2 kulogo yeligi, nge-goal different, ngemaphuzu la-44, ilingana nePirates nayo lencobe nga-2-1 kuPolokwane City.

By:Nkosinathi