I-Everton FC icedzile kusayina Jack Grealish ngesivumelwano sekumbolekisa licembu le-Manchester City

Umdlali lodumile kakhulu kulelase-Ngilandi loneminyaka le-29 ngebudzala , lodlala lihlangotsi leliphiko (Winger) futsi ungumgadli wesisu lotsatse  tindzebe letinyenti nelicembu le-Manchester City kanye nemiklomelo leminyenti.

Licembu le-Manchester City libolekise lomdlali kulicembu le-Everton, lesivumelwano sifaka ekhatsi linani lemali lenganga-£50m ngekutikhetsela hhay ngemtsetfo lobekiwe.

Jack Grealish utsi, “Ngijabule kakhulu kusayina kulelicembu le-Everton, linye licembu lelifike emcondvweni wami ngalesikhatsi ngicocisana nebaphatsi bami. “

Lomdlali uyoba agcoka lijezi nombolo-18 kulicembu le-Everton, sizatfu sakhe kutsi Wayne Rooney lowatsatsa mhlala phasi ebholeni letinyawo naye bekagcoka lenombolo ngalsesikhatsi adlalel lelicembu le-Everton.

“Ngikhulume na Wayne Rooney, ngamtjela mayelana nalenombolo yalelijezi, ngako-ke ngiyetsemba ujabulile naye.” Kusho Grealish ngentfokoto lenkhulu.

Uchubeke washo Grealish kwekutsi, uyabonga kakhululu kutfola lelitfuba futsi ubonga nebalandzeli balelicembu ngekumamukela ngenjabulo futsi bachumane naye  natukwe tinkhundla tekuchumana (Social Media).

David Moyes longuMceceshi walelicembu le-Everton FC ufake mbiko lotsi, “Ngibona ngatsi Jack Grealish simtfole ngesikhatsi lesikahle , ngoba sasemandleni futsi usanemfutfo nekukhutsala lokudzingekako.”

Uchubeke washo kutsi, “Lomdlali sitokhona kumsita kutsi atfole litfuba lekuyodlalela live lakhe lasengilandi ngemuva kwesikhatsi lesidze solo angadlali.”