Libhakabhaka inika be-DDC litfuba lekutiveta kulelicembu lelikhulu

I-Orlando Pirates (Libhakabhaka) seyicalile kuhlola ngelikusasa layo, inike badlali lababili labasebancane litfuba lekutiveta kelelikhulu, ngembi kwekucala kwalesizini ya-2026/7.

Labadlali ngu-Simphiwe Masilela na-Christian Derbyshire. Bagcame Kakhulu kulesizini leyengcile ku-DSTV Diski Challenge.

Kulapho bafike bagcama khona, base banikwa litfuba lekutsi bakhone kuveta kahle lukhono lwabo phambili kwalabaceceshi balelidzala.

Uma bangachubeka banyuse emasokisi bangakhona kutsi banyuselwe kulelidzala ngalokuphelele kulesizini letako.

Libhakabhaka beselivele licalile kusayina badlali labasha labatolekelela lelicembu kutsi livikele tiNdzebe talo, liphindze lilwe ku-CAF Champions League.

Kulabadlali labasha kukhona Neo Rapoo, Matome Mmolai, Gamphani League, Mthetheleli Mthiyane, Sbangani Zulu naBohlale Ngwato.

FUNDZA NALANA: Broos usole ibhola ‘yesdzala’ iBafana igilwa iCanada

Kukhaliphisa lelicembu nga-Masilela, na-Derbyshire, kusho kutsi iPirates itimisele kuniketa badlali bakulelicembu litfuba lekudlala ezingeni lelingenhla.

Loku ikwentile ngaphambilini nayinyusa Mofokeng,  Nkota, kanye na-Mbokazi. Labagcine sebatinsika talelicembu.

I-Pirates ibuye yenta imali leshisiwe nayitsengisa Mbekezeli Mbokazi kanye na-Mohau Nkota.

Story by Nkosinathi