WANDILE DUBA UTSI BAMSONGELA KUMBULALA

Umgadli welicembu le-Kaizer Chiefs bekakhuluma ngesikhatsi se-Nedbank multipurpose court handover e-Pholong  Secodary School e-Kwa-Thema, Ngesikhatsi se-Ntfwasahlobo, ngolwesibili.

Duba uyincenye yebadlali lebatsembisako labancane kulicembu le-Amakhosi, ufike tukwesigaba sekunconywa nekuklomelwa kulelicembu. Ukhombise likhono nekutikhandla kwekuba mdlali lomkhulu nomalosikhiya kulihlangotsi la-Nasreddine Nabi.

Loweminyaka le-21 ngebudzala bekabutwa mibuto ngelubadlululo ngekwembala lakutfolile, kakhulu kati kumikhakha yekuchumana (Social media) ngekudlala ngelidlame kumcudzelwano wemdlalo webhola letinyawo enkhundleni.

Utsi akanandzaba nelubandlululo lalutfolako ngoba yena udlala ngalendlela umceceshi Nabi amtjele kutsi adlale ngakhona. Kodvwa uchubeke waveta tigameko letimbi lahlangabetana nato emoyeni, kufaka ekhatsi kusongelwa ngekufa.

“Akungihlaseli mine, ngilendlela umceceshi afuna sidlale ngakhona,” kusho Duba.

“Tinkhulumon je, batfu bakusukela noma bangene endzaweni yakho lefihlakele yetekuchumana, bakutsembisa kuk’bulala nako konkhe loko. Nakulomdlalo lesisuka kuwo, bengingekho esimeni lesikahle kungako angimange ngiye kuyodlala.”

Utsi lesimo noma letigameko ubukana nato ngelusito lalutfola kumfowabo, lekunguye lahlala amesekela njalo, futsi apholise nemoya wakhe. Nekutsi amvimbe angaphendvuli tinkhulumo temoya.

“Angicabangi kwekutsi lentfo ingicasula ngaleyo Ndlela kodvwa ngikhuluma nabhutiwami imvamisa njengemsekeli wami.” Kungetele yena.