Akasayingeni ye-Sundowns lomdlali wase-Portugal

Kubikwa kutsi umdlali wasesiswini wase-Portugal, Miguel Reisinho, angeke aphindze abuyele ku -Mamelodi Sundowns.

Reisinho uhlale isizini yinye kuphela ku-Masandawana ngemuva kwekujoyina lelicembu nga-September nyakenye ngenkontileka yeminyaka lemibili.

Nanoma kunjalo, kubikwa kutsi sikhatsi sakhe eChloorkop sesiphelile.

Umthombo utjele iSoccer Laduma kutsi lomdlali akazange abuye ngesikhatsi licembu licala kulungiselela isizini lensha.

“Nakanjani akabuyi. Akazange abuye ngesikhatsi kucala emalungiselelo esizini, futsi nyalo ufuna kutfola licembu lelisha eveni lakubo,” kusho lomthombo.

Lomdlali udlale imidlalo leli-14 kuphela kuSundowns, washaya emagoli lamabili, kodvwa wehluleka kutfola indzawo lecine kulelicembu.

Ngakolunye luhlangotsi, iSundowns isachubeka nekuhlanganiswa nemdlali wasesiswini wase-Argentina, Mateo Tanlongo, lodlalela i-Sporting Lisbon yasePortugal.

Kuphindze kube nemibiko letsi umgadli waseBrazil, Lucas Ribeiro Costa, angahle abuyele ku-Mamelodi Sundowns ngemuva kwekungaphumeleli kahle kwakhe eSpain.

FUNDZA NALANA: Lokusha nga-Lilepo nelikusasa lakhe ku-Kaizer Chiefs

Story by Nkosinathi