Lokusha nga-Lilepo nelikusasa lakhe ku-Kaizer Chiefs

Kubikwa kutsi umgadli we-Kaizer Chiefs, Glody Lilepo, ucele baholi balelicembu kutsi bamvumele ahambe ngaphambi kwekucala kwesizini ya-2026/27.

Lomdlali wase-Democratic Republic of Congo kubikwa kutsi watise iChiefs ngesifiso sakhe sekufuna inselelo lensha.

Nanoma-ke, kubikwa kutsi iChiefs ayikafuni kumtsengisa ngobe isamdzinga ngesizini letako.

Amakhosi kulindzeleke kutsi adlale emincintiswaneni yemhlaba, futsi abona Lilepo njengalomunye webadlali lababalulekile.

Kubikwa kutsi tinkhulumo emkhatsini waLilepo neChiefs tisachubeka ngenhloso yekutfola sisombululo ngaphambi kwekucala kwesizini lensha.

Lomdlali usale emuva ngesikhatsi i-Chiefs ilibangisa eSpain lapho itawulungiselela khona isizini lensha.

Ngakulolunye luhlangotsi, emacembu aseMorocco, iRaja Casablanca, kanye nelaseLibya, i-Al Ittihad SC, kubikwa kutsi anentshisekelo yekusayinisa lomdlali.

Kusatawubonakala kutsi i-Kaizer Chiefs itawugucula yini sincumo sayo noma itawumgcina Glody Lilepo njengoba ilungiselela umkhankaso wayo lomusha.

FUNDZA NALANA: I-Chiefs ibambane ne-Rangers, kukhalwa nganozinti lomusha

Story by Nkosinathi