Lokwenta nozinti we-Amakhosi atikhandle enkundleni

Nozinti welicembu le-Kaizer Chiefs Brandon Petersen, utsi utawuchubeka ashaya ‘span’ sakhe lokunye utakubeka etandleni temdali, nendzaba yekukhetfwa kulelicembu lesive, iBafana Bafana.

Petersen uphindze wakoleka i-Man of the match yakhebacedza kushaya Usuthu 1-0, eMoses Mabida Stadium ngeMgcibelo emini.

Lemiphumela ibange Petersen wagcina ema-clean sheets layi-15, kumidlalo leyi-24 layivimbile yalesizini ye-Betway Premiership.

Kutikhandla kwakhe kwamfaka emicabangweni yemceceshi Hugo Broos, kodvwa ngebhadi lembi wabese uyalimala.

Walimala ngembi kwekutsi bakhetse badlala labayodlala lomdlalo webungani wemacemvu etive, iBafana Bafana icudzelana nePanama.

Kubukeka kumatima kuBafana Bafana, njengobe kuna Ronwen Williams, Sipho Chaine lophule lilekhodi.

Kube ngu-Ricardo Goss lovimbe kahle kakhulu kulelicembu le-Siwelele FC lesizini. Kodvwa nemceceshi wakhe Khalil Ben Youssef nawe ushilo kutsi ufanelwe Petersen kukhetfwa.

Ubutiwe kutsi, nakabuka utawukhetfwa kutsi abeyincenye yesikwadi lesitawuvakashela America.

“Ngicabanga kutsi ngami, litsemba lihlala likho a,” kusho Petersen ku-Super-Sport TV.

“Kodvwa ekugcineni kwako konke, konke kusetandleni temdali. Sitawudala lesikhona kuk’dala, kutsi ngitimisele liviki ngeliviki.

“Ngiloko kuphela lengingakhona kukwenta. Lokunye ngikushiya etandleni temdali, sitawubese siyabona kutsi kwentakalani.”

By:Nkosinathi