I-KAIZER CHIEFS IDLALE NGELITFUBA LEKUYOHLALA KU-NO:3

I-Kaizer Chiefs beyicudzelana nelicembu le-Amazulu FC e-FNB Stadium ngolesitsatfu ntsambama ngensimbi ya-19h00.

Lomdlalo ucale ngemfutfo losetulu kakhulu, licembu le-Amakhosi likhombise kutimisela kakhulu esigabeni saslomdlalo lakhona kutakhela nematfuba lambadlwana, kufana nalebhola letfole ng-Lilepo phakatsi ebhokisini anikwe ngu-Mayo kodvwa Johnson wamvimba.

Uchubekile wabamuhle lomdlalo licembu le-Chiefs liwuphetse ngendlela lesezingeni lelikhulu, latfola nephenathi lebangwe ngu-Hanamub wabamba ibhola ngesandla phakatsi ebhokisini, yatsatfwa ngu-Lilepo kiodva Johnson waphindza futsi wenta laduma ngako.

Kutse kuhambe emaminitsi la-21’ alomdlalo licembu le-Amazulu latfola ligoli lelivalelwe ngenhloko phakatsi enethini ngu Thandolwethu Ngwenya. Kwatsi ngemaminitsi la-32’ Shabalala watfola ligoli lelihle lekulinganisa ngebhola lesuke ku-Pule Modi.

Licembu le-Kaizer Chiefs libuye ngemandla latfola lelinye litfuba Modi watsi uyifaka phakatsi enethini kodvwa Mayo lobeka-offside wayicedzisa kusele nje kancane kutsi indlule mugca welipali.

Kube kubi kakhulu Modi ukhombise kucansuka kodvwa mdlalo wachubeka, utselomdlalo, nawubuya esigabeni sesibili, achubeka acudzelana lamacembu.

Umceceshi wase wenta tingucuko, wakhipha Lilepo wafaka Silva, wakhipha Shabalala wafaka Thabo Cele. Kutse esigabeni sekugcina salomdlalo Mayo watfola litfuba kodvwa wahluleka kuyicondzisa emapalini. Kwatsi nayo i-AmaZulu yatfola litfuba nga-Hanamub kodvwa Peterson wavimba ngekuphutfuma.

Silva naye utfole litfuba kodvwa  Johnson wasebenta ngekuphutfuma wavimba lebhola, uphetse ngekulingana ke lomdlalo.