Khalil uphawula ngekubambisa kwaMaboe naNdlovu laphesuswini
Umceceshi welicembu leKaizer Chiefs Khalil Ben Yousseff, uncome letihlabane letidlala emkhatsini walelicembu, Lebohang Maboe kanye naSiphesihle Ndlovu.
Utsi labadlali bafake kucina nekukhalipha kulelicembu.
Labadlali lababili basite kakhulu kulomdlalo lapho bashaye khona iAl Masry 2-1 kuCaf Confederation Cup.
Lomdlalo utsatse indzawo ePeter Mokaba Stadium kulesifundza saseLimpopo ngeliSontfo, bafikile labadlali lababili basiphetse sisu seAmakhosi kamnandzi kabi.
Ngemuva kwekutsi bacudzelane naletingcalamba tase-Egypt, Youssef uphindze wachaza kutsi kuhlukanisa labadlali ngalesinye sikhatsi kubangwa kubalondvolota kutsi bangalimali.
Bagcinelwe imidlalo leminye lesuke ilandzela lenebumati, noma lelukhuni. Utsi kungako babese batsatsa sincumo sekuphumuta labanye badlali.
“Ndlovu kanye naMaboe basilica emandla kanye nekucina kakhulu,” kusho Youssef.
“Kulemidlalo lesisuka kuyo kube bekumele ngiphumute Ndlovu noma Maboe kute ngikhone kubagcina bakhone nekuphumula.
“Ngoba siyati kutsi badlali besisu ngibo labenta umsebenti lomkhulu wekugijima Lenkhundla yonkhe.
“Ecinisweni sinesiquadi lesicinile, Maboe nNdlovu esuswini bafaka lizingablelisetulu lebhola letinyawo, kukhalipha kanye nekucina kakhulu.”
IChiefs kulomdlalo wayo wekugcina weCaf Confederatio Cup wema Groups, liyobukana neZESCO.
“Kantsi futsi iChiefs ihleli kunombolo 1 kuleluhlangotsi ngemaphuzu la-10, kulomdlalo lolandzelako batawube badlalela kakhulu kulingana.
