Ndaba uvete kutsi Hotto uyamgcugcutela kule-Pirates
Nkosikhona Ndaba uveta muva nje uniketweticondziso tekutfutfuka kulelicembu lakhe lelisha le-Orlando Pirates.
Lomdlali wasemuva kwesencele losasemncan efutsi lotsembisako bekayincenye yebadlali lebamangalise labanyenti ngalesikhatsi basayinwa i-Pirates ngembi kwekucala kwale-sizini.
Njengoben je asengakabi mdlali localako ngalokuphelele, loweminyaka le-23 ngebudzala kancane kancane ulwela indzawo yakhe kulelihlangotsi lakwesencele emuva.
Nkosikhona Ndaba ubenemdlalo lomuhle kakhulu kulelicembu le-Orlando Pirates ngalesikhatsi bancoba i-Golden Arows ngemagoli la-3-1 ngoLwesitsatfu.
Watfola ngisho nemklomelo wakhe wekucala wekuba i-man of the match we-Betway Premiership nalelicembu.
“Ngijabulile namuhla kutsi ngitfole i-man of the match,” kushito Ndaba ngemuva kwalomdalo lomuhle e-King Zwelithini Stadium.
“Ngibonga baceceshi kungipha litfuba nekungicwayisa kutsi ngidlale ngekutimisela njengoba nakulomdlalo wakucala ngatimisela.
“Bangigcugcutele kutsi ngichubeke ngisebente ngekutikhandla, futsi ngitimisele konkhe kutahambe kulunge.”
Uphindze waveta kutsi uyafundza ngephansi kwemdlali lomkhulu Deon Hotto, kantsi futsi njengobe afundza nje-ngephansi kwakhe, kwamele amnike umncitiswano.
“Baceceshi bangitjele kwekutsi ngibuke tukwemfowetfu lomdzala Deon Hotto lokungiko lengikwentako nyalo, ngoba nami ngifuna kufika ezingeni lakhe ngifane naye.”
Ndaba ufake mfutfo kuleligoli lekucala le-Pirates kantsi futsi labaningi bebacabanga kutsi nguye lekashaye leligoli, kantsi nje lifakwe nguwe-Arrows Ayanda Jiyane, ugwaze ekhaya own goal.
