Cedrick Kaze ucwayisa i-Chiefs kutsi yehlise umoya

Umceceshi welicembu le-Kaizer Chiefs ucwayisa licembu lakhe kutsi lehlise umoya kanye nebalandzeli.

Utsi injabulo yecelile kulelicembu ngemuva kwekutsi bawin emidlalo lemibili kulandzelana ku-Betway Premiership.

Loku kuphakamise licembu le-Kaizer Chiefs layohlala kunombolo-2 welogo lale ligi ye-Betway Premiership.

Kantsi ngemuva kwemidlalo letawudlala ngoleSitsatfu angehla Amakhosi.

Amakhosi akoleke emaphuzu lasitfupha, lapho bancobe khona i-Durban City 1-0, bancoba i-Orbit College 4-1.

Balandzeli bajabule kakhulu etinkhundleni tekuchumana bajabulele miphumela yalelicembu labo, nekutimisela.

Kodvwa Kaze utsi lendlela isaseyindze kakhulu, utsi ubacwayisa kutsi batehlise kute bangatfolakali badvumatekile.

“Lesikudzingako, nalokudzingekako kitsi sonkhe kutehlisa sicaphele midlalo lelandzelako,” Kusho Kaize.

“Kusamele sisebente kamatima, ngobe sisengakafiki lapho sihlele kufika khona.

“Ngiyati kutsi lana, kuncoba umdlalo munye uba ngunkhulunkhulu webhola.

“Kodvwa ungadliwa noma udlale kulingana kumdlalo munye, bakubita ngemagama lamaningi ekugceka.

“Ngako-ke, kubalulekile kutsi kulesimo lesi sinikete badlali betfu umbono nesicwayiso,” kungetele umceceshi Kaze.

“Sidzinga kubambana sibe munye, nekusebenta ngekutimisela,kanye nekusekelana ngoba lesizini isasekhashane nekuphela,” kungetele lomceceshi lophuma e-Burundi.

Umdlalo lolandzelako we-Chiefs i-Caf Confederation Cupgroup stages, bayocudzelana nelicembu lase-Egypt Al Masry ngomhlaka 23-Lweti.

Lesikhatsi sitawunika labaceceshi litfuba lelanele lekutsi bakhone kuhlela kahle ngalomdlalo.