Tindzaba letinhle naletimbi nge-Pirates

Licembu le-Orlando Pirates licuketfwe tindzaba letinhle naletimbi, Sipho Nduli angacedza isizini singakamboni enkhundleni , bese Sebelebele yena ululamile.

Lomunye webadlali besisu/bemkhatsi balelicembu kungenteka bangadlali kuze kuyofika emaphetselweni alesizini ngenca yekuhlangabetana nekulimala.

Sihle Nduli, longumdlali lobekasikhiya kulelicembu bagcibe bamhlindza lelinyawo lakhe emaphetselweni ekuphela kwalomnyaka lophelile.

“Nduli usalimele futsi mhlawumbe kungenteka angadlali isizini yonke,” kubike umtfombo walelicembu kwiKickOff.

Kulimala kwakhe kutawuba yintfo lembi kakhulu kulelicembu lebelidlala kahle kakhulu naye phakatsi kulesicoco seBetway Premiership.

Nduli ungulomunye webadlali labacale yonke imidlalo kusukela ajoyine iPirates asuka ku-Stellenbosch FC ekucaleni kwesizini.

Tukwetindzaba letinconywane kubalandzeli be-Orlando Pirates ezingcono , i-Orlando Pirates isandza kwamukela Kamogelo Sebelebele losekaluleme ekulimaleni kwakhe.

USebelebele nemdlali lomusha longu-Andre de Jong kunginyalo nje bacuketfwe nalelicembu ekhempini yalo e-Noth West.

I-Orlando Pirates itawubuyela emidlalweni yeligi ngenyanga yaBhimbidvwane liyocudzelana neSekhukhune United ePolokwane.

AmaBhakabhaka ahleti esicokweni  ngemaphuzu langu-28 leliwacoce emidlalweni lengu-12 kantsi ashiya iMamelodi Sundowns ngemaphuzu lamabili.

Badlali bePirates lebebahambe neBafana Bafana bona baniketwe sikhatsi sekuphumula ngemuva kwe-Afcon.