We-Sundowns ucacisa ngesimo sa-Cupido lolimale bacudzelana ne-Chiefs

Umceceshi we-Mamelodi Sundowns Miguel Cardoso ucacisa ngesimo sekulimala kwelisotja lakhe lekalitsembile lasemuva Keanu Cupido.

Cupido utsintseke kabuhlungu ngemuva kwekutsi adlaliswe kabi ngu-Siphesihle Ndlovu, kwaze kwafika belisito lekucala baphutfumisa esibhedlela.

Sikhundla sakhe sivalwe ngu-Grant Kekana lobekasebhentjini, naye lofike wadlala kahle kakhulu kulomdlalo lobewumatima.

Cardoso, utsi lomdlali ulimale kakhulu futsi utawucedza lesizini angadlali ngalendlela simatima ngakhona simo sakhe.

Uphindze watfola nelitfuba lekundlulisa umlayeto kulomceceshi we-Bafana Bafana Hugo Broos ngalomdlali lomuhle wasemuva.

“Silahlekelwe badlali labanyenti ngenca yekulimala, kodvwa ngicabanga kutsi Hugo Broos uyajabula ngoba kulimala labo labangekho tukwe-skwadi sakhe.

“Silahlekelwe badlali

“Kodvwa asiboneni kutsi Morena utawuba njani yena” kusho Cardoso.

Uphindze wancoma Cupido ngemsebenti wakhe lomuhle, nemavi ekukhutsata lomdlali mayelana nekuba yincenye leitsimba la-Hugo Broos.

“Keanu, ngicabanga kutsi udlala kahle kakhulu, mhlawumbe bekangekho etinhlelweni talomceceshi. Kodvwa ngalelinye lilanga utawuba ngumdlali we-Bafana Bafana.”

Cupido kusukela kwacala lesizini bekadlala ngekutimisela kulelicembu, kumidlalo yemhlaba wonke jikelele, iFIFA Club World Cup,  iCAF Champions League, kanye nemidlalo yePSL.

By:Nkosinathi