Kuyayikhanyela i-President yama-2k ngekujoyina laphesheya

Lesihlabane se-Orlando Pirates Relebohile Mofokeng (president yama-2k) angahle afeze liphupho lakhe lekuyodlala phesheya kwelwandle madvute.

Loku, kuvumbuke ngemuva kwekutsi lelicembu lelidlala ku-Belgium Pro League, i-Union Saint-Gilloise litfolakale licocisana ne-Pirates ngalomdlali.

Lomdlali loneminyaka leyi-21 ngebudzala, uchubeke waheha emacembu ase-Europe, udlalale kahle kakhulu kulemidlalo yemcudzelwano lomkhulu we-Ndzebe yeMhlaba.

Nanoma nje, angakacali kulemidlalo lemibili, kodvwa wangena asuka ebhentjini wantjintja umdlalo, badlala kulingana nga-1-1, neCzechia.

Uphindze wacala, ngalesikahtsi iBafana Bafana ishaya i-South Korea nga-1-0, wabuya futsi wacala nabadluwa kabuhlungu nga-1-0 iCanada.

Ngekusho kwembiko weliphephandzaba lase-Belgium i-Nieuwsblad, iPirates isetingcocweni letimatima kabi mayelana nekusayina Mofokeng. Kutsiwa lelicembu lifuna kumnika ikontilaki yeminyaka lemine.

FUNDZA NALANA: Umgadli lomkhulu we-Barcelona ujoyina licembu la-Mbokazi

Nyalo kulindzeleke kwekutsi, sukele e-America alibangise kulelase-Belgium atophotfula yonke imininingwano lesele.

Sekusikhatsi lesidze lelicembu lifuna i-President yama-2k, kantsi futsi bafuna kuphutfuma bacedzelele
kusayina lomdlali ngembi kwekutsi lamanye emacembu angenele lomhaho.

Kulesizini leyengcile Mofokeng ushaye emagoli layilishumi, wadala layisiphohlongo kumidlalo leyi-27 kulelicembu lase-Soweto.

Story by Nkosinathi