Umgadli lomkhulu we-Barcelona ujoyina licembu la-Mbokazi
Umgadli lomkhulu we-FC Barcelona yase-Spain Robert Lewandowski ujoyina licembu lase-America i-Chicago Fire lapho kugijima khona Mbekezeli Mbokazi.
Lomgadli loneminyaka leyi-37 ngebudzala waseveni lase-Porland ucedze iminyaka lemine yekontilaki yakhe ne-Barcelona, lebese nyalonifika emaphetselweni.
Ngaphandle kwekutsi ajoyine licembu le-Chicago Fire, bekafunwa i-AC Milan nelase Saudi Pro League.
Lomgadli waseveni lase-Porland utawuba ngumdlali lohamba phambili ngekuhola kulelicembu leligijima ku-MLS Pro League.
Kufika kwakhe kulelicembu kulindzeleke kwekutsi acinise lelicembu lasedolobheni lase-Chicago.
I-Fire lesendzaweni yesibili ku-MLS Eastern Conference, bagcine kudlala ma-play-offs ekucala kulesizini leyengcile.
Kufanele bachubeke ngemuva kwekuphela kwr-Ndzebe Yemhlaba ngeti-17 INyoni 2026. Batawucudzelana nelucembu le-Vacouver.
FUNDZA NALANA: Libhakabhaka inika be-DDC litfuba lekutiveta kulelicembu lelikhulu
Umcondzisi webhola letinyawo, aphindze abengumceceshi nhloko Gregg Berthalter utsi lesivumelwano sa-Lewandowskie :
“Kufika kwakhe kucinisa lelicembu kutsi sikhone kulwela tindzebe letinyenti, futsi kwandzisa nelizinga lebhola letinyawo kulelicembu letfu kanye nakulelidolobha letfu.
“Asisakhoni nekulindza kutsi afike sitocala kusebentisana naye, balandzeli nabo batibonele yena ngemehlo kutsi ufikile” kusho yena.
Lewandowski uke wagcama kakhulu ngekutsatsa tindzebe letinyenti nangekushaya emagoli, eveni lase-Germany, ecenjini le-Dortmund kanye ne-Bayern, wabuya wayogcama e-Spain ku-FC Barcelona.
Story By Nkosinathi
