Mabasa uveta imfihlo ngesikhatsi sakhe ku-Pirates: “Nami besengicala kudideka.”
Tshegofatso Mabasa sewukhulume kwacaca ngesikhatsi sakhe ku-Orlando Pirates lapho watitfola khona angasacaliswa nemidlalo njengenjwayelo.
Utsi loko kwamdida kakhulu ngobe bekakholelwa kutsi bekasachubeka nekusita lelicembu ngemiphumela yakhe.
Sikhatsi sakhe sekudlala kuPirates sancipha wagcina sekabolekiswe kuStellenbosch FC. Ngaleso sikhatsi bekukhona imibiko lebeyitsi indlela yakhe yekusebenta nekucindzetela baphikisi (pressing) ngiyo leyabangela kutsi angasakhetfwa njalo.
Kodvwa nakakhuluma ne-iDiski Times, Mabasa uphikise loko.
“Bengisachubeka nekusita lelicembu”
“Bekusikhatsi lesicakako kakhulu, angeke ngicele… Mine bengitiva ngitsi bengisachubeka nekusita lelicembu, kungakhatsaleki kutsi kwentekeni nangite
ibhola,” kusho Mabasa.
Uphindze wavikela indlela yakhe yekudlala ngaphandle kwebhola, watsi indlela yakhe yekucindzetela baphikisi ayikashintji.
“Ngisho nalapho bengite ibhola etinyaweni, akusiko kutsi bengingacindzeteli baphikisi/timbangi.
“Bekusafana naloko lebengikwenta eminyakeni lemibili leyendlulile ngesikhatsi umceceshi Jose asekhona. Naleso sikhatsi besicindzetela baphikisi/timbangi, nami bengikwenta loko.”
“Pho kungani nyalo sekutsiwa yinkinga? Kungako ngatsi bekusikhatsi lesangicaka kakhulu.
“Kodvwa kwadzingeka kutsi ngihlale ngicinile, ngitsembele emandleni ami futsi ngichubeke nekutinikela ekuticecesheni nasemidlalweni yebungani. Ngiyakholwa kutsi ngafeza indzima yami.”
“Kubuhlungu nje kutsi litfuba lami alizange laphindze lavela ngaleyo sizini.”
Nanobe abukane nalobo bunzima, Mabasa utsi wachubeka nekutinikela nasekutiniketeleni
emsebentini wakhe.
FUNDZA NALANA: I-Banyana isindze ngekulambisa, Kgatlana wabalichawe
Loko kwagcina kumholele ekubolekisweni kuStellenbosch FC, lapho akholelwa khona kutsi walungiselelwa kahle sinyatselo sakhe lesilandzelako sekuyodlalela eFes.
Story by Nkosinathi Masinga
