Licembu le-Kruger United selicalile lihlomela lesizini letako ka-PSL

Licembu le-Kruger United lase-Mpumalanga selibike kusayinwa kwemdlali lomusha, Mlungisi Zwane, loneminyaka leyi-23 ngebudzala.

Besekusikhatsi lelicembu licocisana nalomdlali weliphiko laphambili. Ngemuva kwekutsi agcoke lijazi ku-KZN Academy wabese uyodlala e-Portugal.

Wafike wagijima ku-TS Galaxy, nyalo bekagijima ku-Casric Stars, wabangumdlali lohamba phambili kulelicembu.

Zwane usayine ikontilaki yeminyaka lemibili kulelicembu, kanye nesivumelwano selitfuba lekungeta umnyaka munye.

Zwane loneminyaka leyi-23, utawucala isizini yakhe ya-2026/27, nelicembu le-Kruger United ku-Betway Premiership.

Ukhulmbule kwekutsi i-Kruger United itawube icala ngca kungena ka-PSL, ngemuva kwekutsi ibenesizini lenhle ngale ku-Motsepe Foundation.

FUNDZA NALANA/ “I-Golden Arrows seyibike kuhluna kwayo nemceceshi Mnqithi“

I-Kruger United uphumelele kukoleka emaphuzu layi-62 kumidlalo leyi-30. Bawine imidlalo leyi-18.

Badliwa lemine, badlala kulingana kuleyisiphohlongo.

Story by Nkosinathi