Shabalala uveta imfihlo yakhe ngemuva kwekuncoba
Mduduzi Shabalala uveta imfihlo yakhe ngemuva kwemdlalo lomente waba lichawe lemdlalo.
Ngemuva kwekutsi ashaye emagoli lamabili (brace) kwekucala-ngca nalelicembu le-Chiefs lelidzala.
Mduduzi utsemba kwekutsi lena ingucuko bekaloku afuna yona kusukela, kantsi futsi Mdu akamange ashaye emagoli lamabili kuphela.
Kepha ubekhona agijima enkhundleni wasita kakhulu kutsi kutfolakale lamagoli lamabili kutsi i-Chiefs iwine ngemagoli la-4-0 bancoba licembu le-Orbit College.
Ngemuva kwekutsi ashaye emagoli akhe lamabili Mdu, uphindze wanika Mfundo Vilakazi ibhola lehle, lekayifake enethini kamnandzi Mfundo, wahlanganisa ligoli lesitsatfu.
Lelinye futsi, kulapho atfolekhona ibhola lengakadlalwa ngenhloso kepha yatfolwa ngu-Silva enethini ngemuva kwekutsi ibhola yaMdu ivinjwe itfole Da Silva, washaya ligoli lesine.
Bekungumdlalo wekucala kutsi Amakhosi bancobe ngemagoli lamaningi kulesizini ekhaya. Kantsi Mduduzi Shabalala lokhulume ngemuva kwekuphela kwalomdlalo utsi utsemba kutsi kukhulu lokutako.
“Ngitsandza kucala ngibonge i-Kaizer Chiefs ngekusipha lelitfuba, kutsi sidlalele lelicembu lelikhulu,” kukhulume Shabalela ngemuva kwekuphela kwemdlalo.
“Kimi, akumange kube isizini lelula kakhulu kati mayelana nemagoli kanye nekusita (assist), kodvwa ngiyajabula kutsi namuhla afikile sakhona kushaya lamane.”
Shabalala utse kutfutfuka kwakhe abe kulelizinga kubangwe baceceshi bakhe, bebaloku bambonisa enkhundleni yekutilolong/yekutilungiselela.
“Bangitjele kutsi umangabe ngisemoyeni wekuwina, ngako-ke wonkhe umuntfu utawuba emoyeni wekuwina/wekutimisela. Ngijabula kutsi namuhla ngitfole emagoli futsi ngitsemba kutsi maningi lekatawuta noma latako.”
