I-DRAW YE-CARLING KNOCKOUT YEMACEMBU LA-16

Bekudvoswa namuhla kudvoselwa imidlalo ye-Carling knockouts lenemacembu la-16 Aka PSL.

Lemidlalo ihleleke ngalendlela, i-AmaZulu ibukene neMagesi FC lekungibo lebatsatsa lendzebe kulomnyaka lophelile basandza kufika ka-PSL, i-Mamelodi Sundowns yona iyobe icudzelana ne-Marumo Gallants.

Besekutsi Stellebosch FC siyophindze sibukane nelicembu le-Kaizer Chiefs lelidlale nalo kumdlalo we-Betway Premier League.

I-Orbit College yona iyobukana nelicembu lase-Mpumalanga i-TS Galaxy, i-Durban City yona ke iyobukana nelicembu lase Polokwane e-Limpopo i-Polokwane City.

Ngako ke, Licembu le-Richards Bay FC lona liyobe licudzelana ne-Chippa United, licembu le-Orlando Pirates lelicedza kutsatsa indzebe ye-MTN8 lona lyonukana nel;icembu leSiwelele FC lelibukene nebumatima bekuwina midlalo ye-Betway Premiership.

Licembu le-Golden Arrows lona liyobukana nebaholi baleligi ye-Betway Premiership lebangakadliwa namunye mdlalo we-Betway Premiership i-Sekhukhune United.

Kutsi lemidlalo idlala nini lusuku, indzawo nesikhatsi, kusatawubikwa kubomabonakudze, misakato nato tonkhe tinkhundla tekuchumana, nihlale nimehlo mane ningaphutselwa.