Khune ukhala ngemceceshi we-Bafana Bafana ngemuva kwesicalo lesimbi
Lobekangunozinti we-Bafana Vafana Itumeleng Khune. Ukhala ngemceceshi Hugo Broos, iBafana Bafana idliwa 2-0 iMexico.
Kulomdlalo wekuvula lomncitiswano weNdzebe yemhlaba ya-2026, iBafana Bafana idliwe 2-0. Bashatjwa iMexico ngoLwesine ebusuku.
I-Bafana Bafana ihluleke kudala ematfuba labonakalako kulomdlalo. Badale ematfuba lacishe abemabili.
Khune akazange ashaye eceleni uvele wacondza ngco ku-Hugo Broos ngekusola indlela lekahlele ngayo lesikwadi sakhe kulomdlalo.
Broos usebentise i-3-5-3, afuna kuvimba iMexico kutsi ingahlaseli. Kodvwa imiphumela ayimange
ibemihle ngemuva kwekutsi badliwe nga-2-0.
Liphutsa la-Sphephelo Sithhole livulele Julian Quinones litfuba lekushaya ligoli ekucaleni nje kwalomdlalo.
Utse nawuchubeka umdlalo Sithole wakhishwa ngelikhadi lelibovu, ngembi kwekutsi Raul Jimenez ashaye ligoli lesibili.
Akhuluma ka-SABC1 Itumeleng Khune, utse inkinga icale kulesikwadi se-Ningizm Afrika lesicale nemdlalo.
“Lona akusiwo umphumela besiwulindzele, futsi nekudlala kwetfu bekungajabulisi nakancane,” kusho Khune.
“Ngicabanga kutsi umceceshi Hugo Broos ucalise ngekwesaba kulomdlalo.
“Luhlelo lwakhe lacale ngalo, wente sabonakala kungatsi siyahlehla kulomdlalo.
Lonozinti we-Kaizer Chiefs wakadzeni, utsi ukholwa kwekutsi kube Evidence Makgopa ucaliswe
nemdlalo bekangenta kancono.
“Ngesikhatsi afaka Makgopa sekusele sikhashane kutsi uphele, kulapho sicale kubona umehluko kulomdlalo.
“Besesinebadlali lababili phambili lomudze nalophutfumako.”
FUNDZA NALANA ‘Broos utsemba kutsi lelakhe lidlale kahle
Khune uphindze wangeta nganozinti wase-Mexico, utsi bekangahlaselwa lonozinti. Ngenca yekutsi iBafana Bafana beyihluleka kwakha ematfuba.
“Ngephandle nje kwalelitfuba la-Mbokazi esiwombeni sekucala, kahle-kahle nozinti we-Mexico bekabukela kulomdlalo.
“Asizange simuhlasele ngalokwanele,” kusho Itumeleng Khune.
Nyalo iBafana Bafana seyitawudlala ngephansi kwekucindzeteleka lokukhulu njengobe ifuna kuwelela kulesinye sigaba.
Story by Nkosinathi
