Sekubikwe kutsi I-Sekhukhune itawuhlukana nebadlali lebalishumi

Licembu le-Sekhukhune United selibike kuhlukana kwalo nebadlali labalishumi ngalokusemtsetfweni.

Ngemuva kwekutsi kapteni we-Sekhukhune United, Linda Mntambo atsatse umhlala phansi, kulandzele litsimba lebadlali lebalishumi. kutsiwa lelicembu lihlukana nabo.

Rivaldo Coetzee nguye losekucaleni kubadlali labavalelisako kulelicembu, kulandzele, Lebohang
Phiri, Brandley Grobler, Lesiba Nku, Thabang Monare.

FUNDZA NALANA:Losandza kuhlukana ne-Chiefs utitfolele likhaya lelisha ku-City

Kanye na-Sikhosonke Langa, Shaun Mogaila. Besekuba ngu-Rinaldo Maarman, na-Siphiwe Mahlangu, locitse isizini yonke abolekiswe ku Durban City naye ukhululiwe.

Lelicembu lisandza kwenta tingucuko kubaceceshi, basayine Cedric Kaze lobuya ku-Kaizer Chiefs kanye nemlekeleli wakhe.

Nyalo sebakhulula badlali. Loku, kuchaza kutsi lelicembu litimisele ngekuhlelela lesizini letako ya-2026/27.

Story by Nkosinathi