KHALIL BEN YOUSSEF UPHAWULA NGELICEMBU LE-KAIZER CHIEFS

Lisekela mceceshi Khalil Ben Youssef utsi badlali akumelanga batjelwe kutsi badlalela bani, kukhona kuvuselela mfutfo nekutimisela kulemidlalo lemikhulu lemibili leladzelako.

I-Chiefs iyobe ibukene nelicembu le-AmaZulu ngoLwesitsatfu ntsambama banelitfuba lekukhuphuka bayohlala ngenhla kunombolo-3 welitafula le-Betway Premiership League, nemdlalo we-Carling Knockout wemacembu la-16 lapho kumele bacudzelane ne-Stellenbosch FC lesebadlale naso ngaphambilini basincoba.

“Ngicabanga kwekutsi sitawuzama kubamba labadlali bonkhe bacine, badlali betfu bayasati simo nekubaluleka kwalemidlalo lemibili letako, wekucala ne-AmaZulu ku-PSL, wesibili ne-Stellenbosch ku-Carling Cup,” kushito yena.

“Bayakwati kubaluleka, sesilucalile lucwaningo, badlali betfu Bayati kutsi akusitsi lekumele libatjele kutsi benteni, siyi-Kaizer Chiefs, sidlalela kuphumelela, yonkhe imidlalo, asikho sidzingo sekubachazela ngalesimo, bati yonk’intfo.”

Amakhosi abamange bashaya emagoli landlula kulinye kumidlalo yabo le-8, bagcina kuncoba ngemagoli la-2 kumdlalo wabo nelicembu le-Stellenbosch ekucaleni kwesizini e-Cape Town.

“Indlela yekutftutfuka ezingeni lemagoli kusebenta ngekutsikhandla, kwamele sisebente enkhundleni yekutilolonga, siphindze, sicwaninge indlela yekutilolonga, sigucule lesikubonile ngesikhatsi selucwaningo, siyazama kuchaza, siletse letinye tibonelo letisezingeni lelisetulu kukhomba badlali,” ukhulume ngelizinga lekushaya emagoli.

“Lokumele sikwente kuchubeka sisebente silwe, sisebente kuze kulunge konkhe.”