Modiba uveta indlela iSundowns isita ngayo Saleng

Umdlali we-Mamelodi Sundowns ne-Bafana Bafana, Aubrey Modiba, ukholwa kutsi Monnapule Saleng utawubuyela ezingeni lakhe

Loku kulandzela ngemuva kwekutsi lomdlali angakhoni kungena efomini, kusukela ajoyine iSundowns abuya ku-Orlando Pirates.

Lomdlali weliphiko lesencele wagcama kakhulu ngesizini ya-2022/23 ngaphansi kwemceceshi José Riveiro loshiyele Abdeslam Ouaddou tintsambo.

FUNDZA NALANA: Mbuthu nelitfuba lekutiveta kubaceceshi be-Chiefs

Usite kakhulu kulelicembu le-Bucks, nanoma nje bazange babone ngasolinye ne-Pirates wagcine wajoyina i-Sundowns.

Saleng uphumelele kudlala imidlalo leyisiphohlongo kuyo yonke imicudzelwano, kodvwa kusete umehluko lekawentile.

Akhuluma ku-Soccerbeat Aubrey Modiba ngekufika kwa-Saleng. Ashore kutsi kufika ecenjini lelisha akukho lula ngenca yalendlela lelisuke lidlala ngayo.

“Ngicabanga kutsi nawufika ku-Sundowns nga-Bhimbidvwane kubamatima ngenca yalendlela sidlala ngayo,” kusho Modiba.

“Kufanele utijwayete lesimo lesisha kanye nelicembu nangalendlela lidlala ngayo ngekuphutfuma.”

Uyasho kutsi badlali be-Sundowns bazamile kumeseka kanye nelicembu lonke, kutsi akhone kubamba ifomu yakhe adlale kahle.

“Kodvwa yena bekadlala kahle. Natsi sizable njengelicembu kutsi simente ative asekhaya,” kuchubeka Modiba.

“Bantfu abafani, labanye bayatsandza kutihlukanisa nalabanye.”

Story by Nkosinathi