Monyane akalahli litsemba nge-Afcon ne-World Cup

Umdlali welicembu le-Kaizer Chiefs wasemuva Thabiso Monyane unelitsemba  lekutsi angaphumelela kulelukhetfo lelicembu lekugcina lekumele lenytiwe ngu-Broos.

Hugo Broos kmele akhetse linani lebadlali lekufanele bayomela lelicembu lesive i-Bafana Bafana kumidlalo ye-AFCON kanye ne-Ndzebe yeMhlaba.

Loweminyaka le-25 ngeudzala ubenesicalo lesihle kule-sizini wate wabitwa licembu leBafana Bafana ngenyanga ye-Inyoni kulomdlalo we-World Cup qualifiers.

Lapho bacudzelane nelive lase-Lesotho kanye nelase Nigeria.

Kodvwa ngalesikhatsi asabamba lizinga lelihle watfola kulimala tsite kungakalindzelwa kwatsikameta lendlela yakhe.

Undlulwe midlalo yangenyanga ye-Imphala nelicembu le-Zimbabwe kanye ne-Rwanda.

Midlalo lapho khona i-Bafana Bafana iphunyuke kamatima kulomdlalo wabo lebadlale khona ngekulingana nelase-Rwanda.

Bakhona kuphumelela kutfola indzawo yabo kulomdlalo walomyaka lotako weNdzebe yeMhlaba nelive lase-USA,Ganand akanye ne-Mexico.

Monyane kusukela asebentele indlela yakhe yekubuya kule-Chiefs, ekukugcineni kwalenyanga ye-Imphala wangina asuka ebhentjini bancoba le-Durban City 1-0.

Uchubeke wayibamba njalo nakulomdlallo lomuhle lekadlale khona emaminitsi la-76 i-Amakhosi incobe le-Orbit College 4-1.

Nanoma angakabitwa kulomdlalo we-Bafana Bafana ne Zambia lapho lase-Ningizimu lincobe 3-1 kulomdlalo, Monyane akakhatsali kuphakamisa sandal alungele kubitwa.

‘Ngiyakwati lengingakuletsa kulelicembu. Ngitawuchubeka ngitikhandle, ngichubeke ngichube-ngoba angeke wati,” utjele be-iDiski Times.

“Kutawuhlala kunemncitiswano, kakhulu kati kuleligi yetfu, lekungiyo lekhulu la-Afrika.’

Lomdlali wasemuva lomuhle utsi uncoma lomncitiswano lokhona kulehamba phambili kulelive.

“Umangabe ngitibuka ngiyatitjela kwekutsi ngicudzelana nebantfu lebasezingeni lelisetulu kakhulu.

“Kubonwa njengencenye yebadlali basemuva kuleskudla kulelive kusibusiso lesikhulu kakhulu,” kukhulume yena.