I-Bafana Bafana itawube ‘idibane netimbila titfutsa’ kulowe World Cup

Mave lamabili lasehlangotsini lunye ne-Bafana Bafana aphumelele kumidlalo yawo yebungani/yemalungiselelo.

Live lase-Mexico lelitawubukana neBafana Bafana kumdlalo wekucala we-FIFA World 2026, liwinile.

Bashaye i-Serbia nga-5-2 kulomdlalo wabo wemalungiselelo eFIFA World Cup 2026.

Besekwatsi i-Czechia yona yashaya i-Guatemala nga-3-1 itolo (ngoLwesine).

Nabo laba, phela basehlangotsini lunye (group A) ne-Bafana Bafana.

I-Bafana Bafana yona ayikabi nemalungiselelo lamahle, bahluleke kuwina ngisho namunye umdlalo.

Bagcine kuncoba Ku-Arican Cup Of Nations 2025, bashaya i-Zimbabwe nga-3-2.

Babuya badliwa i-Cameroon nga-2-1 ku-round of 16 ye-AFCON 2025.

Badlale kulingana kumidlalo lemitsatfu, badliwa kulemibili kumidlalo lebasandza kuyidlala.

Badlale 1-1 ne-Panama, yabuya yabashaya nga 2-1 ekhaya labo eNingizimuAfrika.

Leliviki lelengcile badlala ngekulingana 0-0 nelicembu leliphansi ngekwekucatsaniswa.

Live lase-Nicaragua ngembi kwekutsi bandizele eMexico.

Lapho balimdzeleke kwekutsi badlale umdlalo wabo wemancamu emalungiselelo, nelive lase Jamaica.

By:Nkosinathi