I-Barcelona ichubeka legcinekhona kulesizini lephelile

Licembu lase-Spain lelitsatse indzebe ye-LALIGA yalesizini lendlulile, licalile lenta lelidume ngaku kumdlalo walo wekucala loladlale ngelisondvo enkhundleni yase-Estadi Mallorca Son Moix.

I-Barcelona incobe kulomdlalo wayo wekucala wale-sizini ngemagoli lamatsatfu ecandzeni nelicembu le-Mallorca. Lapho khona Raphinha avule khona inkhundla, kwalandzela Torres, kwasekugcina mdlali lomcane ngesikhatse semaphetselo alomdlalo Yamal.

Lamine Yamal loneminyaka le-18 ngebudzala nguye lotfole umklomela kulomdlalo wekuba mdlali lomuhle walomdlalo. Loweminyaka le-18 ngebudzala, ucuphe mlandvo kulesizini lephelile babuya bamufanisa nebadlali labadumile labakhulu mhlabawonkhe jikelele labafana nabo-Messie.

Lomdlali uniketwe jezi nombolo yelishumi (10) ngekutimisela labakubonile kuye futsi nelikusasa lanalo ebholeni letinyawo. Lenombolo yelijezi ihloniphekile kakhulu kulelicembe ngoba igcobe badlali labake baba tikhiya kulelicembu, badlali labafama na-Ronaldinho, nabo-Messie.

FUNDZA NALANA: Umgadli lomkhulu we-Barcelona ujoyina licembu la-Mbokazi

Story by Nkosinathi Masinga