Balandzeli bakwate kakhulu sebacedze nemathikithi alomdlalo we-Bafana

Balandzeli batsenge onke emathikithi ekuyobukela lomdlalo wangoLwesibili iBafana Bafana iyohlangana nePanama kumdlalo wemalungiselele wesibili.

Lomdlalo uyotsatsa indzawo eDHL Stadium kulesifundza sase-Cape Town, ngensimbi ya-19h00 ebusuku ngoLwesibili ngomhlaka 31-INdlovulenkulu.

Lamacembu acudzelana kumdlalo wemalungiselelo eFIFA World Cup 2026 letawucala madvute nje.

UMDLALO LONDLULILE NALOTAWULANDZELA….

Ukhumbulenkutsi kulomdlalo wekucala weBafana Bafana nePanama wekucala lotsatse indzawo eMoses Mabida Stadium, lamave/lamacembu adlale ngekulingana.

I-Panama itfole ligoli lekuvula inkundla ekucaleni kwalomdlalo nga-Edgar Yoel Bàcernas, ligoli nje lelilula walivalela enethini.

Kutse lomdlalo nawusacedza kubuya esombeni sesibili Oswin Appollis ngemizuzu nje le-48’ walinganisa lomdlalo ngeligoli lelihle nje walivalela enethini.

Kulomdlalo lolandzelako asati kutawutala nkomo yiphi, njengobe kulomdlalo wekucala taba tindzala totimbili, umdlalo waphela nga1-1 badlale kulingana.

By:Nkosinathi