Akumakhadi kulonompempe lotawujaja lowe-Bafana neKorea

I-Bafana Bafana itawubambana ne-South Korea kulomdlalo lobalulekile we-Ndzebe Yemhlaba ngephansi kwanompempe longawubambi nakancane umshini.

Lonompempe ukewaduma kakhulu ngekukhipha badlali lebalishumi ngemakhadi labovu kumdlalo.

I-FIFA icinisekisile kutsi lonompempe wase-Argentina nguye lotawube Facundo Tello, nguye lotawube aphetse lomdlalo wa-Group A lotawudlala e-Estadio Monterrey.

Lomdlalo, uyincenye yemidlalo lebaluleke kakhulu njengobe kudliwa noma kuhluleka kuncoba kungabafaka engotini yekuwasha lijezi.

Kodvwa lugama lanompempe Tello selente bantfu labaningi labamatiko bakhatsateka futsi kwacubuka netinkulumo.

Lonompempe loneminyaka leyi-44 ngebudzala, waduma kakhulu ngemnyaka wa-2022, nakashaya badlali lebalishumi ngemakhadi labovu.

Loku wakwenta phakatsi emdllweni wemancamu we-Argentina Champions Trophy, emkhatsini kweBorca Juniors ne-Racing Club.

Kwaba yimpi kulomdlalo badlali sebabambane ngetandla phakatsi enkhundleni yalomdlalo lomkhulu.

Badlali labatsatfu wabakhipha ngesikhatsi semdlalo lesihwayelekile, tintfo taba tibi kakhulu kulesikhatsi lebesengetiwe.

FUNDZA NALANA: I-Marumo Gallants ibika umceceshi lomusha, utakumangalisa

Tintfo taba tibi kakhulu ngalesikhatsi Carlos Alcaraz ashaya ligoli wayojabulela phambili kwebalandzeli, kwase kuba nempi lekhulu phakatsi kulabadlali.

Tello akamange abambelele ngekutsatsa tinyatselo, wavele wabadzabula ngemakhadi labovu, bonke besebaphule umtsetfo.

I-South Korea lesendzaweni yesibili ku-grop A, itawudlala ne-Ningizumu Afrika yona lesemsileni, ngoLwesine ekuseni, ngeti-25 INhlaba 2026.

Story by Nkosinathi