Mbuthu nelitfuba lekutiveta kubaceceshi be-Chiefs

Umdlali losemncane we-Kaizer Chiefs Nkosane Mbuthu, angahle anikwe litfuba lekulwela indzawo yakhe ngephansi kwemceceshi lomusha Fernando Da Cruz.

Kubikwe kutsi lomdlali utawuhamba nelicembu lelitawuya ekhempini yemalungiselelo esizini letako e-Europe, lenyanga letako.

Kulapho ke, da Cruz atokhona kubuka badlali lekatawusebenta nabo kulesizini letako ya-2026/27.

Mbuthu ubuyela eNaturena ngekutitsemba lokukhulu ngemuva kwekutsi abenesizini lenhle lapho bekabolekiswe khona ku-Leicesterford City, ku-Motsepe Foundation Championship.

Lomdlali utfole litfuba lelanele abolekisiwe, kantsi futsi wente kahle kakhulu wacashelwa nelitsimba lebahloli ku-Chiefs.

Kufika kwemceceshi da Cruz kuvulele badlali labanyenti litfuba lekutsi bativete, ngisho nalabo bebabolekiswe kulamanye macembu.

Lomceceshi kulindzeleke kwekutsi asabentise lekhempu kutsi akhone kukhetsa badlali lekatawucinisa sikwadi sakhe ngabo.

FUNDZA NALANA: Katsande uvete lokwenta atsembe umceceshi we-Chiefs lomusha

Imitfombo lwati lesondzelene ne-Kaizer Chiefs, ivete kwekutsi lomceceshi utsandza kusebentisa badlali labasebancane kufana naye Mbuthu.

Kutsiwa utsandza kusebentisa badlali labasalambele kudlala nekuphumelela. Nalabahambisana nesitayela sakhe sekudlala.

Story by Nkosinathi