Lowe-Pirates utsi Goss kahle-kahle bekanguJesu laphe-mapalini.

Umceceshi we-Orlando Pirates Abdeslam Ouaddou wente lihlaya nganozzinti we-Siwelele FC Ricardo Goss, watsi lendlela avimbe ngayo kulomdlalo, kuyafana nekutsi “bekangujesu laphe polini.

Licembu le-Orlando Pirates lidlale kulingana nga-1-1 nelicembu le-Siwelele FC, kulomdlalo we-Betway Premiership lotsatse indzwo eOrlando Amstel Arena.

Ricardo Goss utfole umklomelo wekuba i-Man of the Match ngemuva kwekutsi avimbe magoli langu-11, asindzisa Siwelele FC kulomdlalo lophele nga-1-1.

Nanoma nje bashaye linye nguTshepang moremi avala leligoli la-Vincent Pule loshaye ligoli ekucaleni kwalomdlalo.

MAVI AKHE OUADDOU NGALONOZINTI….

“Kwamele sincome lonozintinti, ube lichawe lalomdlalo (man of the match), bekute nozinti namuhla emapalini kodvwa bekunaJesu Christ.

“Uvimbe onkhe emabhola besihlasela ngawo kulomdlalo, ngako ke, kwamele simncome lonozinti.

“Futsi nje angati kutsi kufanele ngibasole labadlali bami noma cha, ngoba bente konkhe lokusemandleni, badala ematfuba lamanyenti kakhulu, kodvwa bekunelibondza/mtsangala laphe mapolini,”kusho Ouaddou.

Lonozinti weBafana Bafana loneminyaka lengu-31 ngebudzala unema-clean sheets la-9 kulesizini, uvulele emagoli la-13 nje kuphela.

By:Nkosinathi