Sekuvele inkinga lensha ku-Stellies, i-hat-trick ngemdlalo wekucala

I-Stellies ikhombise emdlalweni wangoLwesihlanu kutsi ikusasa layo likhanya kakhulu, ngemuva kwekushaya iMarumo Gallants ngo-3-1 e-Athlone Stadium.

Lobekudvonsa kakhulu emehlo kube yinkhanyeti leneminyaka lengu-20, Quwan Plaatjies we-Stellies, lowente umlandvo emdlalweni wakhe wekucala ecenjini lelidzala.

Plaatjies akamange agcine nje ngekwenta sicalo sakhe kulelicembu, kodvwa uphumelele kutsatsa umklomelo we-Man Of The Match ngemuva kwekushaya emagoli lamatsatfu.

Leligoli lakhe lekucala ulishaye ngemaminitsi lalishuminakutsatfu, walandzela ngalesibili nge-ngemaminitsi nje langemashumilamabili nesiphohlongo, ngaphambi kwekucedzela i-hat-trick yakhe nge-54.

Loku kube ngumdlalo lokhumbulekako kakhulu kulomdlali losemusha, njengobe akhombise kutsi kuba nemandla, litsemba kanye nelikhono lekudlala ezingeni lelisetulu.

Kuncoba kweStellenbosch kuphindze kwaba yintfo
lebalulekile kulelicembu, njengobe nyalo selikhuphukele endzaweni yesitsatfu kuBetway Premiership log.

Ngemuva kwalomdlalo, ligama la-Quwan Plaatjies lisale lisemlonyeni webalandzeli bebhola letinyawo eNingizimu Afrika.

FUNDZA NALANA: Miguel nemlayeto locinile kubalandzeli be-Chiefs

I-hat-trick yakhe emdlalweni wakhe wekucala ecenjini lekucala/lelidzala ayisiyo nje indzaba yekuncoba kuphela, kepha ngumyalezo locacile wekutsi ‘sihlabane’ lesisha sesifikile!

 Story by Nkosinathi Masinga