Sekunemsakati waku Supersport Sports lohlaliswe phansi

Lomsakati weSupersport Sports Phumlani Miya lobeka sakata kulomdlalo weChiefs ne Richards Bay unikwe umhlala phansi.

Loku, kungenca yesigameko lesenteke kulomdlalo weChiefs kanye neRichards Bay lapho khona lomsakati akhulume emagama langasikahle.

Kutse ngemaminitsi la-66’ alomdlalo Aden MacCarthy kanye na Lundi Mahala, bahishana phakatsi enkhundleni.

MAVI ELUBANDLULULO……

Phumlani wase utsi, “Ikhaladi empini…..Ikhaladi empini…ushaywa ngebhodvwe shisho nangenkomishi.”

Loku kuchaza kutsi, Likhaladi nekulwa ungashatjwa ngelibhodvo nangenkomishi.

Loku, kubange balandzeli bakhala ngako etinkhundleni tekuchumana, kwatsiwa lomsakati ubandlulule lomdlali ngekwembala.

Kwacubula netinkhulumo ngemakhaladi kwekutsi bona bangevantfu labatsandza imphi, noma kulwa.

Kodvwa Miya utse emavi akhe “bekangakacondzi kubandlulula nekulimata lomunye,” kodvwa beku kushisa kwaleso sikhatsi.

MIYA UCOLISE WATSI…..

“Ngitsandza kucolisa kakhulu kuwo wonkhe umuntfu lolinyatwe ngilengikusho emsakatweni.

“Bengingakatimiseli ngekulimata muntfu, kube kushelela kwelulwimi.

“Ngiyatsembisa kucaphela kakhulu kulesikahtsi lesilandzelako,” kubike Miya.

SINCUMO LESITSATFWE I-SUPERSPORT……

ISupersport Sports ayimange itsengwe kucolisa kwamiya, ivele yatsatsa sincumo sekumisa Miya kwesikhashane.

Sekutawucapheliwa etinkhundleni tekusakata, ngoba loku labakwente kuMiya kusibonelo lesikhulu kakhulu.

By:Nkosinathi