I-Sundowns itifake engotini lekhulu kakhulu kumdlalo wekugcina ngci kuligi

Licembu le-TS Galaxy licuphe umlandvo laph’e-Mbombela Stadium ngoLwesibili bashaya I-Sundowns 3-2 kumdlalo we-Betway Premiership.

Lemiphumela ishiye I-Sundowns engotini lekhulu kakhulu, njengobe basemjahweni wendzebe ye-Betway Premiership, banemaphuzu layi-68, kumidlalo ley-30.

I-Pirates inelitfuba lelihle ngendlela lesimanga lekutsi batsatse lendzebe, njengobe banemaphuzu layi-65 nemidlalo lemibili esandleni.

Lona bekumdlalo wemancamu we-Mamelodi Sundowns, lapho bekufanele bashaye emagoli lamanyenti futsi bakoleke nemaphuzu.

Kute bakone kugcina indzawo yabo, kodvwa lela-Bernard Parker lakhalisa umzaca lomkhulu, lashiya Masandawana asengotini yekungacukuli lendzebe.

Kucale i-TS Galaxy yavula inkundla ngeligoli lephenathi leshatjwe ngu-Victor Letsoalo, yabuya futsi i-Galaxy ngelesibili lelishatjwe ngu-Sedwyn George.

Ibuyile ke, iSundowns yalinganisa ngeligoli kanye nephenathi leshatjwe ngu-Brayan Leon. Lomdlalo uye ekhefini nga-2:2 ebhodini.

Kodvwa utse usandza kubuya ekhefini, i-Galaxy yatfola lesitsatfu nga-Mpho Mvelase. Kwayishela njalo iSundowns.

By:Nkosinathi