Sekubikwe kutsi Hugo Broos kutawufanele ashiye lelicembu leBafana Bafana

I-South African Football Association seyibike kwekutsi lomceceshi we-Bafana Bafana Hugo Broos utawushiya lelicembu lesive ngemuva kwale-FIFA World Cup 2026.

Sihlalo we-SAFA Jack Maluleke uvete kwekutsi ikontilaki yalomceceshi we-Bafana Bafana, umceceshi Hugo Broos iyaphela ngemuva kwaleNdzebe yemhlaba ya-2026.

Umbiko we-SAFA lokhishwe ngu-Jack Maluleke:

“Kwanyalo siyati kutsi sibukene ne-Ndzebe yemhlaba,” kusho Maluleke ku-SABC Sports.

“Futsi ngekwesivulwano nalomceceshi, loku kutawuba ngumsebenti wakhe wekugcina nalelicembu lesive.

“Njengekomiti letekucecesha lilana nje kutonatisa kutsi incubo yekucasha lomunye umceceshi itawucala madvute.”

Hugo Broos utawushiya ngemuva lifa lelihle nalelicembu lesive. Ngemuva kwekutsi Broos agucule lelicembu alente libe yincenye yemacembu lahamba phambili e-Afrika.

Ngephansi kwalomceceshi i-Bafana Bafana yancoba indzebe ye-AFCON 2026 eveni lase Ivory Coast.

Iphindze yaphumelela kungena kulendzebe yemhlaba (iFifa World Cup) ngemuva kweminyaka leyi-24.

Maluleke ukubeke kwacaca kutsi lotawutsatsa indzawo ya-Broos kufanele akhone kuchubeka agcine lelifa lakhe.

By:Nkosinathi