We-AS FAR utsi, kutayishubela iSundowns e-Morocco leliviki lelitako
Lomceceshi welicembu lase Morocco, iAS FAR, Alexandre Santos, unelitsemba leliphelele kutsi iSundowns batayishaya ngemagoli lamanyenti eMorocco kulomdlalo we-CAF Final ye-2nd leg.
I-AS FAR beyivakashele eMzansi Afrika itocudzelana ne-Masandawana kulomdlalo wekucala we-CAF Champions League eLoftus Versveld Stadium ngeliSontfo.
Kucale licembu leMasandawana lavula inkundla nga-37’ wemaminitsi umdlalo ucalile. Nge-Free-kick lenhle leshatjwe ngu-Aubrey Modiba yabeka iSundowns phambili.
Lomdlalo uphele nga-1-0, iSundowns yancoba njalo. Kodvwa Santos we-AS FAR, utsi batawubuya ngemandla kulomdlalo wesibili wekugcina loyodlala e-Morocco ngeLisontfo.
“Wonke umuntfu welicembu letfu uyati kwekutsi sinelitfuba lelinhle lekucudzelana ne-Sundowns leliviki lelitako,”kusho Santos.
“Sitawenta lesifuna kukwenta. Kushaya emagoli, sijikise lemiphumele yanamuhla (ngeliSontfo) sitsatse lendzebe.”
Lomceceshi utsi batawubuya nayo iphila lenszebe ye-CAF Champion League, ingabe ucinise. Sitawubona ngemiphumela yangeLisontfo.
By:Nkosinathi
