I-Kaizer Chiefs ibusisa balandzeli bayo base-KZN

Amakhosi akhetse kuyodlala umdlalo wabo wekugcina we-Betway Premiership kulesifundza saKwaZulu Natal.

Lomdlalo we-Kaizer Chiefs ne-Chippa United angeke usabekwa eFNB njengobe bekuhlelowe ngaphambilini.

Lomdlalo sewutawutsatsa indzawo eMoses Mabida Stadium lapho iKaizer Chiefs ivamise kuheha balandzeli labanyenti.

Lesincumo sitsetfwe egameni lekutsi iChiefs inike labalandzeli litfuba lekubukela lelicembu bukhoma.

Ngembi kwekutsi iChiefs idlale lomdlalo, kusanemidlalo lemitsatfu lelimdze lelicembu lase-Naturena.

Kusanomdlalo lomkhulu, lapho kufanele babukane nebaholi baleligi i-Mamelodi Sundowns.

Lomdlalo ngiwo lotawuncuma kutsi ngiluphi licembu lelitawutsatsa lendzebe yesicoco seligi i-Betway Premiership.

Umangabe iChiefs ingashaya i-Downs ingabe yentele bomakhelwane babo base-Soweto bubele lobukhulu.

By:Nkosinathi