I-MARUMO GALLANTS IDLUTFULE INYAMA EMLONYENI WE-CHIEFS

Mdlalo lotsatse indzawo e-FNB Stadium ntsambama ngensimbi ya-17h30, tingumhlaka-24 enyangeni ye-Inyoni-2025.

Licembu le-Kaizer Chiefs belicudzelene nelicembu le-Marumo Gallants, Khanyisa Mayo losandza kutsengwa utfole ligoli lakhe lekucala kumdlalo wakhe wekucala kulelicembu le-Kaizer Chiefs, ekucaleni kwalomdlalo noma ke, ehhafini yekucala yalomdlalo.

I-Kaizer Chiefs itfole ematfuba lamanyenti yate yatfola nephenathi lapho kudlaliswe khona kabi Ashley Du Preez, Kodwa Sirino wabanjelwa ngu-Washington Arubi.

I-man of the match kulomdlalo kube ngu-Bahlabeli Bantwa lobekahlanganisa mnyaka wakhe lomuhla welicembu le-Marumo Gallants, lokhumbise kutikhandla kakhulu kulomdlalo walomuhla kukakhulu kati emkhatsini noma esuswini.

Licembu le-Marumo alikapheli moya, utse lomdlalo nawufika ehhafini yesibili, i-Gallants yacala kuhlasela ngemandla. I-Chiefs yona beyingahlaseli, ngako ke, mdlali longumgadli we-Marumo Jaisen Clifford ungene washaya ligoli lelihle umdlalo uya ngasemaphetselweni.

Licembu le-Kaizer Chiefs lacala kuhlasela, i-Marumo yabavimba emuva, mdlalo wate wayofika emaphetselweni, lomdlalo uphele ngekulingana. Licembu ngalinye liphume neliphuzu lalo, i-Kaizer Chiefs iyachubeka iyohlala kunombolo-3 ilandzelwa licembu le-Orlando Pirates Lewine mdlalo wayo wekugcina.

Bese kutsi, i-Marumo Gallants yona, ihleti kunombolo-10 welitafula le-Betway Premiership.