I-Pirates ‘ayinalanga lonke’ seyihlukane nebadlali labasikhombisa
I-Orlando Pirates imemetele ngalokusemtsetfweni kukhululwa kwebadlali labasikhombisa ngaphambi kwesizini lensha.
Lelicembu beselivele lisayine linani lebadlali labasha,
futsi bekulindzeleke mayelana nekutsi ngubani latawukhululwa kute kukhululwe tindzawo telicembu.
Emkhatsini walabo labakhululiwe ngu Thabiso Sesane kanye na Selaelo Rasebotja, labatsengiselwe i Siwelele FC. Siyabonga Ndlozi na Gomolemo
Khoto sebatsengiswe ku Sekhukhune United.
Sonwabo Khumalo kanye naBlessing Ngiba sebakhululiwe baya ku-Midlands FC, licembu lelincintisana emncintiswaneni weSisekelo saseMotsepe.
Ngaleso sikhatsi, Seth Green utsengiswe eThekwini City, ledlala kuBetway Premiership. I-Orlando Pirates ibonge bonkhe labadlali ngeminikelo yabo ngesikhatsi basecenjini.
Lelicembu liphindze futsi labafisela lokuhle kulemisebenti yabo lemisha futsi laveta kutsi litawuchubeka nekugcina balandzeli bati ngato tonkhe tingucuko telicembu njengobe emalungiselelo esizini lensha achubeka.
FUNDZA NALANA: I-City ititogolele lesihlabane lesike saduma ku-Royal
“Lelicembu lidlulisela kubonga kwalo lokukhulu kumdlali ngamunye ngekutinikela kwakhe nekutiphatsa kwakhe ngesikhatsi banatsi,” kusho lelicembu esitatimendeni.
“Egameni lawo wonkhe umndeni we-Orlando Pirates, lelicembu lifisela labadlali imphumelelo njengobe bacala tehluko letinsha emisebenti yabo.”
Story by Nkosinathi
