I-Pirates ivumile kutsengisa Mbokazi nga-R50-m

Loweminyaka le-20 ngebudzala loshlanane lesidlala emuva ecenjini le-Orlando Pirates Mbekezeli Mbokazi.

I-SABC Sport ibike kwekutsi licembu le-Pirates livume  kutsengisa lomdlalo tukwelicembu laphesheya e-USA i-Chicago Fire.

Mbokazi kubikwe kwekutsi wehlele kulelase-USA leliviki lona ayocedzelela sivumelwano sakhe nalelicembu.

Lomdlali udvonse emehlo alelicembu ngalesizini lendlulile ngalesikhatsi umceceshi wakudzala we-Pirates Jose Riveiro anika lomdlali litfuba.

Lesihlabane lesincane lesidlala emuva satsatsa lelitfuba salisebentisa, ngekuphutfuma besekadlala kulelicembu lelidzala wadvonsa mehlo emacembu aphesheya kwelwandle.

Lelicembu le-Chicago Fire liphumelele lomncitiswano wekusayina lomdlali ngelinani lemali lenganga-R51-million.

Mbokazi kulindzeleke kwekutsi ajoyine lelicembu lase-Melika madvute-nje ngemuva kwe-Africa Cup of Nations e-Morocco.

Lapho abitwe khona ngumceceshi Hugo Broos kulelicembu lesive i-Bafana Bafana kulenyanga letako.

Ngembili kwakok konkhe, usatawudlala kulelicembu le-Pirates kulemidlalo lesele, kufaka ekhatsi indzebe ye-Carling Knockout Final nelicembu le-Marumo Gallants.

Lomdlalo utawudlala ngomhlaka-06 Ingongoni eNkhundleni yase-Peter Mokaba Stadium.

Mbokazi ubangumdlali wekugcina wase-Ningizimu Afrika  kutsi ayodlala kulelase-MLS, kulandzela Olwethu Makhanya(Philadelphia Union), Bongokuhle Hlongwane(Minnesota United),  kanye na-Njabulo Blom, lobuyle kulelicembu le-St Louis City.